کووڈ سے متعلق 18 دسمبر تک سخت پابندیاں عائد کی جائیں، برطانوی ہیلتھ اینڈ سیکیورٹی ایجنسی

برطانوی ہیلتھ اینڈ سیکیورٹی ایجنسی نے کوڈ کے خلاف 18 دسمبر تک سخت پابندیاں عائد کرنے کا مطالبہ کیا ہے۔

ہیلتھ اینڈ سیکیورٹی ایجنسی کی رپورٹ میں کہا گیا ہے کہ اگر بروقت اقدامات نہ کیے گئے تو مریضوں کی تعداد میں اضافہ ہوسکتا ہے اور اسپتالوں کو روزانہ 5 ہزار مریضوں کا اضافی بوجھ برداشت کرنا پڑ سکتا ہے۔

ادارہ صحت کے مطابق اومی کرون کے مریضوں کی تعداد روزانہ 248,000 تک پہنچ سکتی ہے۔

برطانوی ہیلتھ اینڈ سیکیورٹی ایجنسی نے تجویز دی ہے کہ سوشل نیٹ ورکنگ، کلبوں اور عوامی اجتماعات پر پابندی عائد کی جائے۔

ایک سرکاری ترجمان نے کہا کہ حکومت صورتحال پر نظر رکھے ہوئے ہے اور کوئی خطرہ مول نہیں لے گی۔