کوآپریٹو مارکیٹ میں آگ لگنے کا مقدمہ پریڈی تھانے میں درج

کراچی کے علاقے صدر میں کوآپریٹو مارکیٹ میں آتشزدگی کا مقدمہ پریڈی تھانے میں درج کرلیا گیا ہے۔

مقدمہ صدر کوآپریٹو مارکیٹ سوسائٹی شیخ محمد فیروز کی مدعیت میں درج کیا گیا ہے۔

اپنی درخواست میں مدعی نے موقف اختیار کیا کہ عمارت کے چوکیدار ظاہر خان نے پہلی منزل سے دھواں اٹھنے کی اطلاع دی۔

شیخ محمد فیروز نے بتایا کہ جب وہ مارکیٹ پہنچے تو گراؤنڈ فلور اور فرسٹ فلور پر آگ لگی ہوئی تھی۔

مقدمے کی درخواست کے متن میں کہا گیا ہے کہ چوکیدار نے بتایا کہ بلڈر نے کے الیکٹرک کی ٹیم کو بلایا جو four بجے کام سے واپس آئی تھی۔

متن کے مطابق گراؤنڈ فلور پر 400 اور پہلی منزل پر 180 دکانیں اور دفاتر ہیں۔

اس میں کہا گیا کہ گراؤنڈ فلور کا 98 فیصد اور پہلی منزل کا 80 فیصد حصہ جل گیا۔ خدشہ ہے کہ کسی نے جان بوجھ کر بازار میں آگ لگائی ہے۔