کسی آمر کی قید اور ظلم میرے والد کی مسکراہٹ نہیں چھین سکی، بلاول بھٹو زرداری

پاکستان پیپلز پارٹی (پی پی پی) کے چیئرمین اور وزیر خارجہ بلاول بھٹو زرداری نے کہا ہے کہ کسی آمر کی قید اور ظلم میرے والد آصف علی زرداری کی مسکراہٹ نہیں چھین سکتا۔

بلاول بھٹو زرداری نے اپنے والد اور پارٹی کے شریک چیئرمین آصف علی زرداری کو فادرز ڈے پر مبارکباد دی۔

انہوں نے سماجی رابطے کی ویب سائٹ ٹوئٹر پر اپنے پیغام میں کہا کہ ’میرے عقلمند، صبر آزما اور بہادر باپ کو یوم والد مبارک ہو۔

بلاول بھٹو نے کہا کہ آصف علی زرداری، شہید بھٹو کے بعد اپنی مدت پوری کرنے والے پہلے سویلین صدر ہیں، جنہوں نے 1973 کا آئین بحال کیا۔

پیپلز پارٹی کے چیئرمین نے کہا کہ میرے والد آصف علی زرداری نے بے نظیر انکم سپورٹ پروگرام شروع کیا، انہوں نے سی پیک کی بنیاد رکھی اور ابھی بہت کچھ کرنا باقی ہے۔