کابل میں دو دھماکے، 19 افراد ہلاک، 50 زخمی

افغانستان کے دارالحکومت کابل کے قریب دو بم دھماکوں میں کم از کم 19 افراد ہلاک اور 50 زخمی ہو گئے ہیں۔ دھماکے سردار داؤد خان ملٹری ہسپتال کے قریب ہوئے۔

افغان وزارت داخلہ کے ترجمان نے بتایا کہ دھماکہ سردار محمد داؤد خان ہسپتال کے داخلی دروازے پر ہوا۔

اسپیشل فورسز جائے وقوعہ پر پہنچ گئی ہیں، جب کہ افغان سرکاری میڈیا کا کہنا ہے کہ سردار محمد داؤد خان اسپتال کے دروازے کے قریب دھماکے کے بعد داعش کے متعدد جنگجو اسپتال میں داخل ہوئے اور ان کی اسلامی افواج سے جھڑپ ہوئی۔

سردار داؤد خان ہسپتال کے داخلی دروازے پر خودکش حملہ آور نے خود کو دھماکے سے اڑا لیا۔ سردار محمد داؤد خان ہسپتال 400 بستروں پر مشتمل افغانستان کا سب سے بڑا فوجی ہسپتال ہے۔

اس سے قبل 2011 اور 2017 میں بھی ہسپتال کو نشانہ بنایا جا چکا ہے۔