ڈی جی ISI کی تعیناتی سے قبل وزیراعظم نے تمام افسران کے انٹرویوز کیے، ترجمان وزیراعظم آفس

وزیراعظم آفس کے ترجمان نے بتایا کہ وزیراعظم عمران خان نے تمام نامزد افسران کے انٹرویو کے بعد لیفٹیننٹ جنرل ندیم انجم کو ڈی جی آئی ایس آئی تعینات کیا تھا۔

ترجمان کے مطابق آرمی چیف جنرل قمر جاوید باجوہ نے آج وزیراعظم عمران خان سے ملاقات کی۔

وزیر اعظم آفس کے ترجمان نے مزید کہا کہ یہ ملاقات آئی ایس آئی کمانڈ کی تبدیلی کے وقت پر جاری مشاورتی عمل کا حصہ تھی۔

وزیراعظم آفس کے ترجمان کا یہ بھی کہنا تھا کہ یہ ملاقات نئے ڈی جی آئی ایس آئی کے انتخاب کے لیے جاری مشاورتی عمل کا حصہ تھی۔

مشاورتی عمل کے دوران وزارت دفاع سے افسران کی فہرست موصول ہوئی۔ وزیراعظم نے تمام نامزد افسران کے انٹرویوز کیے۔

وزیراعظم آفس کے ترجمان نے بتایا کہ تفصیلی مشاورت کے بعد لیفٹیننٹ جنرل ندیم انجم کی بطور ڈی جی آئی ایس آئی تعیناتی کی منظوری دی گئی۔

وزیراعظم اور آرمی چیف کے درمیان مشاورت کا حتمی دور ہوا، وزیراعظم آفس کے ترجمان نے بتایا کہ نامزد ڈی جی آئی ایس آئی 20 نومبر 2021 کو چارج سنبھالیں گے۔