ڈی آئی جی آپریشنز نے لاہور کے 17 ایس ایچ اوز معطل کردیے

ڈی آئی جی آپریشنز احسن یونس نے لاہور کے 17 ایس ایچ اوز کو معطل کر دیا۔

پولیس ترجمان کے مطابق احسن یونس نے ایس ایچ اوز کو ناقص کارکردگی اور جرائم کا اندراج نہ کرنے پر معطل کر دیا ہے۔

ترجمان آپریشنز ونگ کے مطابق لاہور سٹی ڈویژن سے ایس ایچ او داتا دربار شاہدرہ، نیو انار کلی، بادامی باغ اور لاری اڈ کو معطل کر دیا گیا ہے۔

ترجمان کے مطابق لاہور کینٹ ڈویژن سے ایس ایچ او باغبانپورہ، ڈیفنس اے، فیکٹری ایریا اور غازی آباد کو معطل کر دیا گیا ہے۔

پولیس ترجمان کے مطابق لاہور ماڈل ٹاؤن ڈویژن، کوٹ لکھپت، کاہنہ اور نشتر کالونی کے ایس ایچ اوز اور صدر ڈویژن کے جوہر ٹاؤن، چوہنگ اور گرین ٹاؤن کے ایس ایچ اوز کو معطل کر دیا گیا ہے۔

ترجمان آپریشنز ونگ کے مطابق اقبال ٹاؤن ڈویژن سے ایس ایچ او ساندہ اور شیرکوٹ کو معطل کر دیا گیا ہے۔

ڈی آئی جی آپریشنز احسن یونس نے کہا کہ رشوت قبول نہیں، سخت ایکشن لیا جائے گا، غفلت برتنے والوں کو متحرک ہونا چاہیے۔

ان کا مزید کہنا تھا کہ پٹرولنگ بڑھانے کے لیے ہر جگہ پولیس نظر آنی چاہیے، ایک ہفتے میں ایک اور میٹنگ ہوگی اور کارکردگی کا جائزہ لیا جائے گا۔

ڈی آئی جی آپریشنز کا یہ بھی کہنا تھا کہ مقدمات کے اندراج کا ٹائم فریم دے دیا گیا ہے، اس پر عملدرآمد کیا جائے گا، چوری، ڈکیتی اور ڈکیتی کی ایف آئی آر فوری درج کی جائیں۔

احسن یونس نے واضح کیا کہ تھانوں میں جرائم پیشہ افراد کی موجودگی کا ذمہ دار ایس ایچ او ہوگا، افسران کو نوکری اور کاروبار میں سے کسی ایک کا انتخاب کرنے دیں۔