پی ٹی آئی نے لانگ مارچ کر کے بھارت کو مدد دی، علی شرافت

ویانا (اکرم باجوہ) مسلم لیگ (ن) آسٹریا کے صدر چوہدری علی شرافت اور کارکنوں نے کہا ہے کہ جے کے ایل ایف کے چیئرمین اور کشمیری حریت رہنما یاسین ملک کو بھارتی حکومت نے عمر قید کی سزا سنائی اور اسی دن پی ٹی آئی کے پاکستان میں لانگ مارچ کو مودی کی حمایت حاصل ہے۔ حکومت، یاسین ملک کی سزا سے پاکستانی قوم کی توجہ ہٹانے کی کوشش کی شدید الفاظ میں مذمت کرتی ہے، میڈیا سے گفتگو کرتے ہوئے عمر قید کی سزا سے دنیا کو معلوم ہونا چاہیے کہ بھارت مقبوضہ کشمیر میں کشمیریوں پر کس طرح ظلم و ستم ڈھا رہا ہے۔ یاسین ملک کی سزا کے بعد اسلام آباد میں تمام ممالک کے سفارت کاروں کو مقبوضہ کشمیر کی صورتحال پر بریفنگ دی جائے گی۔ اسی دن عمران خان نے اسلام آباد میں لانگ مارچ کا ناکام ڈرامہ رچایا۔ ہم عمران خان کے اس اقدام کی شدید مذمت کرتے ہیں۔ انہوں نے کہا کہ عالمی دہشت گرد مودی اب حریت رہنماؤں کو ختم کرنے کی پوری کوشش کر رہا ہے۔ اس سے بڑا ظلم کیا ہو سکتا ہے۔ کشمیر صرف کشمیریوں کا ہے، بھارت جان لے کہ بھارت مقبوضہ کشمیر میں انسانی حقوق کی سنگین خلاف ورزیوں میں ملوث ہے جس پر اقوام متحدہ سمیت عالمی برادری کی خاموشی لمحہ فکریہ ہے۔ عمران خان نے دو دن میں عجلت میں لانگ مارچ کے لیے 25 مئی کی تاریخ مقرر کر دی کیونکہ 25 مئی کو آئی ایم ایف سے مذاکرات ہوئے تھے اور بھارتی عدالت نے یاسین ملک کو سزا سنائی تھی۔ درحقیقت عمران خان پاکستان کو نقصان پہنچانے میں کوئی کسر نہیں چھوڑ رہے ہیں۔ سب نے خان کا ڈرامہ دیکھا اور خیبرپختونخوا میں روپوش ہو گئے۔ پی ٹی آئی کے کارکن شدید گرمی میں سڑکوں پر گھومتے رہے اور عمران خان خود بھی اے سی میں مستی کرتے رہے۔ رانا ثناء اللہ نے لانگ مارچ کو شاندار حکمت عملی سے سنبھالا۔ اور عمران خان کے خونی منصوبے کو ناکام بنا دیا۔