پنج شیر کا کنٹرول، دونوں فورسز کا قبضے کا دعویٰ

پنجشیر وادی کے کنٹرول کے لیے طالبان اور مزاحمتی فورسز کے درمیان لڑائی جاری ہے۔ دونوں فریق وادی کے بیشتر اضلاع پر کنٹرول کا دعویٰ کر رہے ہیں ، لیکن آزاد ذرائع نے ابھی تک ان دعوؤں کی تصدیق نہیں کی ہے۔

افغان میڈیا کے مطابق طالبان رہنما احمد اللہ وثیق نے کہا کہ پنجشیر کے مرکز میں طالبان جنگجوؤں اور مزاحمتی فورسز کے درمیان لڑائی جاری ہے ، پنجشیر کے تمام علاقے مجاہدین کے کنٹرول میں آچکے ہیں۔ صرف پنجشیر کے مرکزی بازار میں مجاہدین کو مزاحمت کا سامنا کرنا پڑتا ہے۔

دوسری جانب مزاحمتی محاذ کے ترجمان فہیم دشتی نے طالبان کے اس دعوے کی تردید کی کہ مزاحمتی فورسز نے مقامی باشندوں کی مدد سے ضلع پیریان کو طالبان کے کنٹرول سے دوبارہ چھین لیا ہے۔

لڑائی میں طالبان کو بھاری جانی نقصان اٹھانا پڑا ہے ، اور کئی جنگجوؤں کو لڑائی کے دوران حراست میں لیا گیا ہے ، جن میں زیادہ تر غیر ملکی ہیں۔