پشاور میں سرکاری کرین سے پی ٹی آئی کے جھنڈے لگانے پر الیکشن کمیشن کا نوٹس

پشاور میں بلدیاتی انتخابات میں سرکاری مشنری کے استعمال کا انکشاف ہوا ہے۔

الیکشن کمیشن نے بلدیاتی انتخابات سے قبل پشاور یونیورسٹی روڈ پر پی ٹی آئی کے لیے سرکاری مشینری کے استعمال کی ویڈیو وائرل ہونے کا نوٹس لیتے ہوئے سی اینڈ ڈبلیو کے ایکس ای این کو دفتر طلب کرلیا۔

الیکشن کمیشن کے مطابق سی اینڈ ڈبلیو ڈیپارٹمنٹ کی کرین کی مدد سے پی ٹی آئی کے جھنڈے لہرانے کی ویڈیو وائرل ہوئی جس میں کچھ لوگ حکومتی کرین سے حکمران جماعت کے جھنڈے لہراتے ہوئے نظر آئے۔

سوشل میڈیا پر سرکاری وسائل کے استعمال اور انتخابی ضابطہ اخلاق کی خلاف ورزی پر تنقید کی گئی۔