پاکستانی مسافروں کو براہ راست سعودی عرب آنے کی اجازت مل گئی

سعودی عرب نے پاکستان سے آنے والے مسافروں کو براہ راست پرواز کے ذریعے اپنے ملک واپس جانے کی اجازت دے دی ہے۔

اس فیصلے سے ان لاکھوں پاکستانیوں کو فائدہ ہوگا جو کورونا کی وجہ سے پاکستان واپس آئے ہیں اور سعودی عرب واپس نہیں جا سکے ہیں۔

وزیراعظم کے معاون خصوصی حافظ طاہر اشرفی نے سعودی وزارت داخلہ کے فیصلے کا خیر مقدم کیا ہے۔

طاہر اشرفی نے کہا کہ سعودی وزارت داخلہ اور قیادت کے فیصلے پر شکر گزار ہوں۔

معاون خصوصی نے کہا کہ سعودی عرب واپسی کے منتظر ہزاروں پاکستانی اب سعودی عرب جا سکیں گے۔

دوسری جانب وزیر اطلاعات فواد چوہدری نے بھی کہا ہے کہ سعودی عرب نے پاکستان سے براہ راست پروازیں شروع کرنے کا اعلان کیا ہے۔

انہوں نے ایک بیان میں کہا کہ تین اچھی خبریں، پیٹرولیم ڈیلرز ایسوسی ایشن نے ہڑتال ختم کردی، سعودی عرب نے پاکستان سے براہ راست پروازیں شروع کرنے کا اعلان کردیا۔

ان کا مزید کہنا تھا کہ تمام قانونی معاملات طے پاچکے ہیں اور سعودی عرب کی جانب سے three ارب روپے رواں ہفتے پاکستان کو دیے جائیں گے۔