وزیر اعظم سے چوہدری پرویز الہٰی اور مونس الہٰی کی ملاقات

وزیراعظم عمران خان ایک روزہ دورے پر لاہور پہنچے جہاں ان سے مسلم لیگ ق کی قیادت نے ملاقات کی۔

وزیراعظم عمران خان سے چوہدری پرویز الٰہی اور چوہدری مونس الٰہی نے ملاقات کی۔

ملاقات میں ملک کی موجودہ سیاسی صورتحال پر تبادلہ خیال کیا گیا۔

وزیراعظم عمران خان نے پارٹی کو انتخابات کی تیاریاں تیز کرنے کی ہدایت کردی۔ انہوں نے کہا کہ پارٹی کے وفاداروں کو ہی ٹکٹ دیا جائے گا۔ مخلوط حکومت کو ہمیشہ بلیک میل ہونا پڑتا ہے۔

وزیراعظم عمران خان کی زیر صدارت پی ٹی آئی کی سینٹرل ایگزیکٹو کمیٹی (سی ای سی) کا اجلاس ہوا جس میں پارلیمانی بورڈ کی تشکیل کی منظوری دی گئی۔

اجلاس میں فیصلہ کیا گیا کہ مرکزی پارلیمانی بورڈ ٹکٹوں سے متعلق پالیسی بنائے گا۔ وزیراعظم نے کہا کہ ماضی سے سبق سیکھ کر پارٹی کے پرانے کارکنوں کو ٹکٹ دینے کو ترجیح دیں گے اور اب غلطیاں نہیں دہرائی جائیں گی۔