ورلڈکپ، پاکستان کی جیت کا جشن منانے والے کشمیری طلبہ رہا کیے جائیں، محبوبہ مفتی

ہندوستان کے زیر انتظام کشمیر کی سابق وزیر اعلیٰ محبوبہ مفتی نے ہندوستان سے گرفتار طلبہ کی فوری رہائی کا مطالبہ کیا ہے جو ورلڈ کپ ٹی ٹوئنٹی میں پاکستان کی جیت کا جشن منا رہے تھے۔

گزشتہ روز، بھارت کی ریاست اتر پردیش کے شہر آگرہ میں ایک انجینئرنگ کالج میں زیر تعلیم تین طالب علموں کو پاکستان کی جیت کی خوشی میں واٹس ایپ سٹیٹس پوسٹ کرنے پر بے دخل اور گرفتار کر لیا گیا۔

ارشد یوسف، عنایت الطاف شیخ، شوکت احمد گنائی بیچ پوری میں راجہ بلونت سنگھ انجینئرنگ ٹیکنیکل کیمپس سے تعلیم مکمل کر رہے تھے۔

اس واقعے کے ردعمل میں محبوبہ مفتی نے آگرہ کالج کے حکام کے حوالے سے ایک میڈیا رپورٹ کو بھی ٹیگ کیا۔

واضح رہے کہ ٹی ٹوئنٹی ورلڈ کپ میں بھارت کے خلاف میچ میں بھارتیوں کی جانب سے بھارتی ٹیم کی کارکردگی کی تعریف مودی سرکار کو ہضم نہیں ہوئی۔

پاکستان کی جیت کا جشن منانے کے الزام میں اتر پردیش میں سات افراد کے خلاف مقدمات درج کر لیے گئے ہیں۔

یوپی پولیس نے سات میں سے چار افراد کو بھی گرفتار کیا، جن میں سے سبھی پر پٹاخے چلانے، سوشل میڈیا پر پاکستان کے حق میں نعرے لگانے اور پاکستان کی حمایت میں اسٹیٹس پوسٹ کرنے کے الزامات عائد کیے گئے ہیں۔