امریکی ایف بی آئی ٹیم نے پاکستانی نژاد امریکی وجیہہ سواتی قتل کیس میں سرکاری وکیل پر تشویش کا اظہار کیا ہے۔
کیس کی سماعت ایڈیشنل ڈسٹرکٹ سیشن جج محمد افضل نے کی۔ سپرنٹنڈنٹ اڈیالہ جیل نے تاحال ملزمہ زاہدہ کی میڈیکل رپورٹ پیش نہیں کی۔
ملزمہ زاہدہ نے طبی بنیادوں پر ضمانت کی درخواست دائر کر رکھی ہے۔
امریکی ایف بی آئی کی ٹیم بھی عدالت میں پیش ہوئی۔ ایف بی آئی کی ٹیم نے گزشتہ روز پولیس حکام سے بھی ملاقات کی۔
مرکزی کیس میں گواہی ریکارڈ کر لی گئی، سماعت 17 تاریخ تک ملتوی کر دی گئی۔
ملزمہ زاہدہ کے والد نے بتایا کہ مرکزی ملزم رضوان حبیب نے میری بیٹی کی ضمانت کا وعدہ کیا تھا۔