ملک عدنان نے تمغہ شجاعت کے اعلان پر وزیراعظم کا شکریہ ادا کیا

پنجاب کے شہر سیالکوٹ میں ہجوم کے ہاتھوں قتل ہونے والے سری لنکن منیجر کو بچانے کی کوشش کرنے والے ملک عدنان نے تمغہ جرات کے اعلان پر وزیراعظم کا شکریہ ادا کیا۔

میڈیا سے گفتگو کرتے ہوئے ملک عدنان نے کہا کہ سچ کا ساتھ دینے پر میڈیا کا شکر گزار ہوں، میں نے ملک کا سافٹ امیج پیش کیا ہے۔

ملک عدنان نے کہا کہ ایوارڈ کا اعلان کرنے پر وہ وزیراعظم کے مشکور ہیں۔

انہوں نے کہا کہ پریانتا اپنی ذاتی زندگی میں بہت اچھی انسان تھیں اور کام کے دوران ان کا رویہ سخت تھا۔

خیال رہے کہ وزیراعظم عمران خان نے سیالکوٹ میں فیکٹری کے سری لنکن منیجر کو بچانے کی کوشش کرنے والے ملک عدنان کو تمغہ شجاعت دینے کا اعلان کیا ہے جب کہ پنجاب حکومت نے بھی انہیں انسانی حقوق کا ایوارڈ دینے کا اعلان کیا ہے۔

صوبائی وزیر برائے انسانی حقوق اعجاز عالم نے کہا کہ ملک عدنان کو یہ ایوارڈ 10 دسمبر کو انسانی حقوق کے عالمی دن کے موقع پر دیا جائے گا۔

صوبائی وزیر نے کہا کہ انہیں خوشی ہے کہ ملک عدنان نے انسانیت کی بہترین مثال قائم کی ہے۔