فواد چوہدری جیسے ارسطو بھاشن دینا بند کریں، ناصر حسین شاہ

سندھ کے وزیر بلدیات ناصر حسین شاہ نے کہا ہے کہ فواد چوہدری میڈیا سے ایسے بات کرتے ہیں جیسے ان کے دور میں دودھ کی نہریں بہہ رہی ہوں۔ اب ارسطو جیسی باتیں کرنا بند کرو۔

فواد چوہدری کے بیان پر ردعمل دیتے ہوئے ناصر حسین شاہ نے کہا کہ پی ٹی آئی کے دور میں بھی نیپال کی کرنسی ہم سے زیادہ مضبوط تھی۔

انہوں نے کہا کہ تحریک انصاف کی معیشت میں ایسی نااہلی کی کوئی نظیر نہیں ملتی۔

انہوں نے کہا کہ پاکستان ایک زرعی ملک ہونے کے باوجود دالیں درآمد کر رہا ہے۔ آصف علی زرداری کے مشورے پر نئے بجٹ میں صنعت اور زراعت کے شعبے کو اہمیت دی گئی۔

ناصر حسین شاہ نے کہا کہ مخلوط حکومت ملک کو زرعی اجناس میں خود کفیل بنانے اور زرمبادلہ بچانے کے لیے کوشاں ہے۔

انہوں نے کہا کہ اگلے انتخابات وقت پر ہوں گے اور مخلوط حکومت نے ملکی معیشت اور حالات کو ٹھیک کرنا ہے۔