عامر خان آئی پی ایل کی میزبانی اور فلم ’لال سنگھ چڈھا‘ کا ٹریلر ریلیز کرینگے

ممبئی (مانیٹرنگ ڈیسک) بالی ووڈ سپر سٹار عامر خان آئی پی ایل فائنل کی میزبانی کریں گے اور وہ 29 مئی کو آئی پی ایل فائنل کے دوران اپنے مداحوں کو خصوصی تحفہ بھی دیں گے۔تفصیلات کے مطابق آئی پی ایل۔ پہلی اننگز اور ڈھائی منٹ کے دوسرے اسٹریٹجک ٹائم آؤٹ کے دوران وہ ٹیلی ویژن پر اپنی آنے والی فلم لال سنگھ چدھاکا کا ٹریلر ریلیز کریں گے۔ خبر کی تصدیق کرتے ہوئے فلم کے میکرز نے اپنے سوشل میڈیا پر ایک ویڈیو بھی شیئر کی ہے، جس میں عامر کو ‘لال سنگھ چڈھا’ کے ٹریلر کے ریلیز کا اعلان کرتے ہوئے دیکھا جا سکتا ہے۔ اداکار شام 6 بجے سے آئی پی ایل فائنل کی میزبانی کریں گے۔ عامر خان نے اپنی فلم لال سنگھ چڈھا کی تشہیر کے لیے انوکھی حکمت عملی اپنائی ہے۔ چاہے فلم کے گانوں کی ویڈیو جاری کیے بغیر صرف آڈیو جاری کرنا ہو یا فلم کے اداکاروں کے بجائے گلوکاروں، نغمہ نگاروں، موسیقاروں اور تکنیکی ماہرین کو فلم کا مرکزی حصہ بتانا ہو، عامر بخوبی جانتے ہیں کہ اپنی فلم سے اپنے ناظرین کو کس طرح متاثر کرنا ہے۔ فلم کو عامر خان پروڈکشن، کرن راؤ اور وائی کام 18 اسٹوڈیوز نے پروڈیوس کیا ہے۔ اس فلم میں کرینہ کپور خان، مونا سنگھ اور چیتنیا اکینی بھی ہیں۔ یہ فلم ہالی ووڈ اسٹار ٹام ہینکس کی 1994 میں ریلیز ہونے والی مشہور فلم “فاریسٹ گمپ” کا انڈین ریمیک ہے۔ اس کے ہدایت کار ادویت چندن ہیں، جو اس سے قبل سیکرٹ سپر اسٹار کی ہدایت کاری کر چکے ہیں۔ فلم 11 اگست کو سینما گھروں کی زینت بنے گی۔