طاہر اشرفی کا مذہبی منافرت پھیلانے اور توہینِ مذہب کرنے والوں کیخلاف کارروائی کا اعلان

وزیراعظم کے نمائندہ خصوصی علامہ طاہر اشرفی نے مذہبی امور کی توہین کرنے والوں کے خلاف کارروائی کا اعلان کردیا۔

لاہور میں سیمینار سے خطاب کرتے ہوئے علامہ طاہر اشرفی کا کہنا تھا کہ کچھ لوگ سوشل میڈیا پر مذہبی منافرت پھیلا رہے ہیں، اگر کسی نے مذہبی معاملات کی توہین کی تو قانونی کارروائی کی جائے گی۔

طاہر محمود اشرفی نے کہا کہ وزیراعظم عمران خان نے توہین رسالت کا مقدمہ بھرپور طریقے سے لڑا۔ روس اور کینیڈا کے رہنما اب عمران خان کی تشویش کی حمایت کر رہے ہیں۔

معاون خصوصی نے کہا کہ آئی جے آئی سے وابستہ کسی سیاسی جماعت نے ملک میں شریعت کا نفاذ نہیں کیا۔