شوہر کی تیمارداری کیلئے نائب وزیراعظم کی چھٹی کی درخواست

بیلجیئم کی نائب وزیر اعظم اور وزیر خارجہ سوفی ولیمز نے اپنے کینسر میں مبتلا شوہر کی دیکھ بھال کے لیے چھٹی کی درخواست کی ہے۔

اس حوالے سے انہوں نے آج اپنے سوشل میڈیا اکاؤنٹ پر ایک دردناک پریس ریلیز جاری کرتے ہوئے اپنی غیر حاضری یا کام سے چھٹی کی وجوہات بتائی ہیں۔

اس نے بتایا کہ اس کے شوہر کو دماغ کا کینسر ہے جو بڑھتا جا رہا ہے۔

انہوں نے مزید کہا کہ “زندگی بدقسمتی سے کئی دردناک موڑ لیتی ہے۔” آج یہ بیماری اچانک ہمارے گھر میں داخل ہو گئی ہے، خاص طور پر میرے شوہر کے لیے جو کہ بہت سے دوسرے مردوں، عورتوں اور بچوں کی طرح دماغی کینسر سے لڑ رہے ہیں۔

انہوں نے مزید کہا کہ “بطور وزیر، میری ذمہ داری ہے کہ میں اپنے ملک کے لیے ہر وقت دستیاب ہوں۔”

نائب وزیراعظم نے لکھا کہ دوسری جانب میرے شوہر اور بچوں کو اس مشکل وقت میں میری ضرورت ہے کیونکہ میرے شوہر ہمیشہ ہمارے لیے رہے ہیں۔

اس موقع پر انہوں نے وزیراعظم اور ان کی پارٹی سے مشاورت کے بعد اعلان کیا کہ وہ بغیر تنخواہ کے اپنے عہدے سے چھٹی لے رہی ہیں۔

خیال رہے کہ صوفی ولیمز 20-2019 میں بھی ملک کی وزیر اعظم رہ چکی ہیں جب کہ وہ اس وقت مخلوط حکومت میں نائب وزیر اعظم اور وزیر خارجہ کے طور پر خدمات انجام دے رہی ہیں۔

وزیر اعظم الیگزینڈر ڈی کرو نے انہیں اپنی بلا معاوضہ ملازمت سے سبکدوش ہونے کی اجازت دی اور ان سے ہمدردی کا اظہار کرتے ہوئے کہا کہ ان کی غیر موجودگی میں دو دیگر وزرا ان کے کام کو دیکھیں گے۔