شمالی کوریا رواں ماہ جوہری تجربے کی تیاری کر رہا ہے: امریکا

امریکہ نے کہا ہے کہ شمالی کوریا رواں ماہ ممکنہ جوہری تجربے کی تیاری کر رہا ہے۔

محکمہ خارجہ کی ترجمان جیلینا پورٹر نے ایک بیان میں کہا کہ شمالی کوریا ایک ٹیسٹ سائٹ کی تیاری کر رہا ہے۔

ان کا کہنا ہے کہ ٹیسٹ سائٹ اس ماہ جوہری تجربے کے لیے تیار ہو سکتی ہے۔

محکمہ خارجہ کے نائب ترجمان نے یہ بھی کہا کہ اتحادیوں کے ساتھ شمالی کوریا کے بارے میں معلومات کا تبادلہ ہوا ہے۔

غیر ملکی خبر رساں ادارے کے مطابق شمالی کوریا اس سے قبل 6 ایٹمی تجربات کر چکا ہے۔

غیر ملکی خبر رساں ادارے کا یہ بھی کہنا ہے کہ شمالی کوریا نے آخری بار 2017 میں جوہری تجربہ کیا تھا۔

جنوبی کوریا کی فوج کا کہنا ہے کہ شمالی کوریا نے آبدوز سے SLBM مختصر فاصلے تک مار کرنے والے بیلسٹک میزائل کا تجربہ کیا ہے۔

جاپانی وزارت دفاع نے یہ بھی کہا کہ شمالی کوریا نے ایک اور بیلسٹک میزائل کا تجربہ کیا ہے۔