سیکریٹری پٹرولیم کو عہدے سے ہٹانے کی وجہ سامنے آگئی

سیکریٹری پیٹرولیم ڈاکٹر ارشد محمود کو ہٹانے کی وجہ سامنے آگئی۔ وفاقی وزیر توانائی حماد اظہر سیکرٹری پیٹرولیم کے کام سے مطمئن نہیں تھے۔

ذرائع کا کہنا ہے کہ وفاقی وزیر حماد اظہر اور سیکرٹری پیٹرولیم کے درمیان اختلافات تھے۔ وزیر توانائی حماد اظہر نے وزیراعظم سے سیکرٹری پیٹرولیم کو تبدیل کرنے کا کہا۔

ذرائع کا کہنا ہے کہ سیکریٹری پیٹرولیم وفاقی وزیر کو اعتماد میں لیے بغیر نجی آئل اینڈ گیس کمپنیوں سے ملاقاتیں کرتے رہے۔ گوادر میں ایل این جی کی فراہمی پر اختلافات کے باعث سیکرٹری پٹرولیم کو بھی ہٹا دیا گیا۔

ذرائع کا کہنا ہے کہ آئل ریفائنریز نے مسائل بڑھنے کی براہ راست وفاقی وزیر سے شکایت بھی کی تھی۔