سقوط ڈھاکا کے وقت ہم نے آپریشنل غلطیاں کیں، فواد چوہدری

وفاقی وزیر اطلاعات فواد چوہدری نے کہا ہے کہ سقوط ڈھاکہ کے وقت ہم سے آپریشنل غلطیاں ہوئیں۔

ایک تقریب سے خطاب کرتے ہوئے فواد چوہدری نے کہا کہ ٹیکنالوجی کے پھیلاؤ سے انفارمیشن سیکٹر کی اہمیت بڑھی ہے۔

انہوں نے کہا کہ دوسری جنگ عظیم کے بعد سے اخلاقیات کے معیارات بدل گئے ہیں، ہمیں اپنے بیانیے کو مضبوط کرنے کے لیے اپنے اداروں کو مضبوط کرنا ہوگا۔

وفاقی وزیر اطلاعات کا مزید کہنا تھا کہ امریکا نے چند گھنٹوں میں افغانستان پر قبضہ کرلیا۔ امریکی فضائیہ افغانستان میں آئی تو طالبان بھاگ گئے۔ امریکہ افغانستان میں کوئی متبادل نظام نہیں دے سکا۔

انہوں نے کہا کہ سقوط ڈھاکہ کے دوران ہم نے آپریشنل غلطیاں کیں۔ ہم نے تمام غیر ملکی نامہ نگاروں کو ڈھاکہ سے نکال دیا۔ اس وقت ہم نے لوگوں کو اپنی کہانی سنانے کے لیے وہاں رکھا تھا۔

فواد چوہدری نے کہا کہ مینار پاکستان واقعے پر صرف ایک بھارتی ویب سائٹ نے 600 ویڈیوز بنائیں۔ نور مقدم کیس میں بھارتی ویب چینل نے ایک دن میں 155 مختصر کلپس چلائے۔

انہوں نے کہا کہ ہمیں اپنے بیانیے کو مضبوط کرنے کے لیے اپنے اداروں کو مضبوط کرنے کی ضرورت ہے۔