سعد رضوی کی رہائی پر گلدستہ لے کر جاؤں گا، پی ٹی آئی سینیٹر اعجاز چوہدری کا اعلان

حکمراں جماعت پاکستان تحریک انصاف (پی ٹی آئی) وسطی پنجاب کے صدر سینیٹر اعجاز چوہدری نے کالعدم تحریک لبیک پاکستان (ٹی ایل پی) کے سربراہ سعد رضوی کی رہائی پر گلدستہ لینے کا اعلان کیا ہے۔

ایک بیان میں اعجاز چوہدری نے کہا کہ حکومت اور ٹی ایل پی کے درمیان معاہدہ خوش آئند ہے اور امید ہے کہ معاہدہ جلد مکمل ہو جائے گا۔

پی ٹی آئی کے سینیٹر کا مزید کہنا تھا کہ وہ ٹی ایل پی کے سربراہ سعد رضوی کی رہائی پر گلدستہ لے کر ان سے ملنے جائیں گے۔

انہوں نے کہا کہ کالعدم ٹی ایل پی سے سیاسی معاملات پر بات چیت جلد شروع ہو گی۔

خیال رہے کہ پنجاب حکومت نے سعد رضوی کی رہائی کے خلاف دائر اپیل واپس لینے کا فیصلہ کیا ہے، اس کے ساتھ ہی حکومت اور کالعدم تنظیم کے درمیان ہونے والے معاہدے پر عمل درآمد شروع ہوگیا ہے۔

پنجاب بھر سے گرفتار ٹی ایل پی کے 860 ارکان کو رہا کر دیا گیا ہے جبکہ مزید ایک ہزار کو رہا کرنے کا حکم دیا گیا ہے۔

محکمہ داخلہ پنجاب کے مطابق جن کے خلاف مقدمات تھے انہیں رہا نہیں کیا جا رہا جبکہ جن کے خلاف مقدمات ہیں انہیں رہا نہیں کیا جا رہا۔