سائرہ بانو، اقبال محمد علی مرحوم کے تذکرے پر آبدیدہ ہوگئیں

گرینڈ ڈیموکریٹک الائنس (جی ڈی اے) کی رکن پارلیمنٹ سائرہ بانو ایم کیو ایم کے سینئر رہنما اقبال محمد علی مرحوم کے ریمارکس سے متاثر ہوئیں۔

قومی اسمبلی میں اظہار خیال کرتے ہوئے سائرہ بانو نے کہا کہ میرے پاس ان کا ذکر کرنے کے لیے الفاظ نہیں ہیں۔

سپیکر قومی اسمبلی راجہ پرویز اشرف نے اپنے خیالات کا اظہار کرتے ہوئے کہا کہ اللہ تعالیٰ سے دعا ہے کہ اقبال محمد علی کو جنت الفردوس میں جگہ دے۔ اقبال محمد علی بہت محبت کرنے والے اور ملنسار رہے۔

راجہ پرویز اشرف نے کہا کہ پارلیمانی روایت کے مطابق کسی رکن کے جانے کی وجہ سے اجلاس بغیر ایجنڈے کے ملتوی کیا جاتا ہے۔

سپیکر نے اقبال محمد علی کے انتقال کے باعث اجلاس 21 اپریل کی صبح 11 بجے تک ملتوی کر دیا۔

خیال رہے کہ متحدہ قومی موومنٹ (ایم کیو ایم پاکستان) کے سینئر رہنما اور رکن قومی اسمبلی اقبال محمد علی خان گزشتہ روز مختصر علالت کے بعد انتقال کر گئے تھے۔

رکن قومی اسمبلی اقبال محمد علی خان کچھ عرصے سے دل کے عارضے میں مبتلا تھے۔ وہ گزشتہ ماہ دل کے آپریشن کے بعد سے کراچی کے نجی اسپتال میں زیر علاج تھے۔