روس کا حملہ، یوکرین کی خاتون رکنِ پارلیمنٹ نے بھی ہتھیار اُٹھا لیے

یوکرین کی رکن پارلیمنٹ کیرا روڈک نے سوشل میڈیا پر کلاشنکوف اٹھائے ہوئے اپنی ایک تصویر شیئر کی۔

سوشل میڈیا پر ایک پیغام میں خاتون رکن پارلیمنٹ نے یوکرائنی خواتین کو جنگ میں حصہ لینے کی ترغیب دیتے ہوئے کہا کہ وہ کلاشنکوف کا استعمال سیکھ رہی ہیں اور ہتھیار اٹھانے کی تیاری کر رہی ہیں۔

انہوں نے کہا کہ اس طرح کا خیال چند دن پہلے تک ان کے ذہن میں نہیں آیا تھا۔

انہوں نے کہا کہ ہماری خواتین اس مٹی کی حفاظت کریں گی جیسا کہ ہمارے مرد کر رہے ہیں۔