حاملہ خاتون کی موت میں ملوث ڈاکٹر کی خودکشی کا معاملہ، ایس ایچ او معطل

راجستھان کے ڈوسا ضلع کے ایک ہسپتال میں حاملہ خاتون کو قتل کرنے کے الزام میں ڈاکٹر کی خودکشی کے بعد ایس ایچ کو معطل کر دیا گیا ہے۔

راجستھان کے وزیر اعلی اشوک گہلوت نے ایک سینئر پولیس افسر کو فوری طور پر ہٹانے اور ایس ایچ او کو معطل کرنے کا حکم دیا ہے۔

بھارتی میڈیا رپورٹس کے مطابق اشوک گہلوت نے افسران کو ہدایت کی کہ ڈوسا کے سپرنٹنڈنٹ آف پولیس انیل کمار کو فوری طور پر ان کے عہدے سے ہٹا دیا جائے۔

اشوک گہلوت نے بدھ کی شام اپنی رہائش گاہ پر ایک اعلیٰ سطحی میٹنگ میں ہدایت دی کہ ڈویژنل کمشنر جے پور دنیش کمار یادو اس معاملے کو دیکھیں گے۔

خیال رہے کہ رواں ہفتے حاملہ خاتون کے قتل کے ملزم نے بھارتی ریاست راجستھان کے ضلع دوشہ کے اسپتال میں خودکشی کر لی تھی۔

پولیس کے مطابق حاملہ خاتون کی منگل کو ڈاکٹر ارچنا شرما اور اس کے شوہر کے زیر انتظام اسپتال میں موت ہوگئی۔ حاملہ خاتون کے اہل خانہ کی شکایت پر ڈاکٹر ارچنا کے خلاف لالسوٹ پولیس اسٹیشن میں ایف آئی آر درج کی گئی تھی۔

حاملہ خاتون کے اہل خانہ نے اسپتال کے باہر احتجاج کیا اور غلطی کرنے والے ڈاکٹر کے خلاف فوری کارروائی کا مطالبہ کیا۔

پولیس کے مطابق ایف آئی آر اور اس کے خاندان کے دباؤ میں آرچنا نے خود کو پھانسی لگا لی۔

ایڈیشنل ایس پی لال چند کیال نے بتایا کہ علاج میں لاپرواہی کے باعث حاملہ خاتون کی موت پر ڈاکٹر کے خلاف مقدمہ درج کیا گیا۔