برطانوی پولیس وزیراعظم کیخلاف تحقیقات کریگی

برطانوی پولیس برطانیہ میں کورونا لاک ڈاؤن کے دوران وزیراعظم کی سرکاری رہائش گاہ پر سالگرہ اور دیگر تقریبات کی تحقیقات کرے گی۔

میڈیا رپورٹس کے مطابق برطانوی پولیس وزیراعظم کی رہائش گاہ اور دفتر میں لاک ڈاؤن کے دوران جشن منانے کے الزامات کی مجرمانہ تحقیقات کرے گی۔

برطانوی میڈیا نے دعویٰ کیا ہے کہ وزیراعظم بورس جانسن نے کورونا ایس او پیز کی خلاف ورزی کرتے ہوئے اپنی سرکاری رہائش گاہ پر 30 مہمانوں کے ساتھ اپنی 56ویں سالگرہ منائی۔

واضح رہے کہ بورس جانسن نے اسی روز اسکول کے دورے کے دوران سماجی دوری کا پیغام دیا تھا۔

اپوزیشن لیڈر کیری سٹرمر نے بورس جانسن سے مستعفی ہونے کا مطالبہ کرتے ہوئے کہا ہے کہ وزیراعظم اپنے بنائے ہوئے قوانین پر عمل نہیں کرتے۔