برطانوی وزیراعظم کا کابینہ کو نصرت غنی کے الزامات پر تحقیقات کروانے کا حکم

لندن(آئی این پی)برطانوی وزیراعظم بورس جانسن نے مسلم جونیئر وزیر نصرت غنی کے ان الزامات کی تحقیقات کا حکم دے دیا ہے جس میں کہا گیا ہے کہ انہیں اسلام کے خلاف تعصب پر نوکری سے نکالا گیا تھا۔ حکام نے اسے بتایا کہ ان کے ساتھی وزراء کو ان کے مذہبی عقائد کے بارے میں تحفظات ہیں۔ برطانوی وزیر اعظم کے دفتر، 10 ڈاؤننگ سٹریٹ کے ایک بیان میں کہا گیا ہے کہ وزیر اعظم نے کابینہ سے غنی کے الزامات کی تحقیقات کرنے کو کہا ہے۔ بیان میں مزید کہا گیا کہ برطانوی وزیراعظم نے جولائی 2020 میں نصرت غنی سے ملاقات میں الزامات پر بات کی تھی۔ڈاؤننگ اسٹریٹ کے مطابق برطانوی وزیراعظم نے نصرت غنی کو الزامات پر مشورہ دیا تھا۔ کہ وہ کنزرویٹو پارٹی کے ہیڈ کوارٹر میں شکایت درج کرائیں تاکہ اس کے خلاف کوئی کارروائی کی جاسکے، جو نصرت غنی نے نہیں کی۔