بائیڈن کا افغان انخلا ہتھیار ڈالنے والی بات تھی، ہم ہوتے تو طاقت سے نکلتے، ڈونلڈ ٹرمپ

سابق امریکی صدر ڈونلڈ ٹرمپ کا کہنا ہے کہ بائیڈن انتظامیہ کا افغانستان سے انخلاء ایک ہتھیار ڈالنے کے مترادف تھا۔ ہم افغانستان سے بھی انخلا کریں گے لیکن یہ انخلاء طاقت کے ذریعے ہوگا۔

انہوں نے کہا کہ ہم افغانستان سے نکل چکے ہوتے لیکن بگرام ایئربیس کو کنٹرول کر لیتے جو چین کی جوہری تنصیبات سے ایک گھنٹے کے فاصلے پر ہے۔

بائیڈن انتظامیہ نے بگرام کا کنٹرول بھی چھوڑ دیا اور اب چین بگرام پر قبضہ کر لے گا۔

امریکی میڈیا کو انٹرویو دیتے ہوئے ٹرمپ نے کہا کہ جو بائیڈن انتظامیہ نے کیا وہ انتہائی شرمناک اور پریشان کن تھا۔

سابق صدر نے کہا کہ بائیڈن انتظامیہ کا افغانستان سے انخلاء “تباہ کن” تھا اور امریکی جنرل بائیڈن کو منانے کی کوشش کرنے کے قصوروار تھے۔