امریکا کی آنگ سان سوچی کو دی گئی سزا کی مذمت

امریکہ نے میانمار میں آنگ سان سوچی کو سنائی گئی سزا کی مذمت کی ہے۔ واشنگٹن سے موصولہ اطلاعات کے مطابق امریکی محکمہ خارجہ نے کہا ہے کہ سوچی کی سزا غیر منصفانہ ہے۔ فوجی حکومت میانمار میں جمہوریت اور انصاف کی توہین کر رہی ہے۔

محکمہ خارجہ نے مزید کہا کہ میانمار کی فوجی حکومت قانون کی حکمرانی کو نظر انداز کر رہی ہے۔ میانمار کی فوج شہریوں کے خلاف تشدد کا استعمال کر رہی ہے۔

محکمہ خارجہ نے فوجی حکومت سے مطالبہ کیا ہے کہ آنگ سان سوچی اور دیگر رہنماؤں کو فوری طور پر رہا کیا جائے۔ آزادی اور جمہوریت میانمار کے عوام کا حق ہے۔ فوجی حکومت کو میانمار کے عوام کی رائے کا احترام کرنا چاہیے۔

امریکی محکمہ خارجہ نے کہا ہے کہ میانمار میں جمہوری عمل کو فوری طور پر بحال کیا جانا چاہیے۔