امریکا نکل گیا، نئے افغانستان کی ترقی اب چین کے ہاتھ میں ہے، طالبان

افغان طالبان کے ترجمان ذبیح اللہ مجاہد کا کہنا ہے کہ امریکہ چلا گیا ہے ، اور نئے افغانستان کی ترقی اب چین کے ہاتھ میں ہے۔

افغان طالبان نے چین اور افغانستان کے حوالے سے دو ٹوک بیانات دیے۔

اطالوی میڈیا سے گفتگو کرتے ہوئے طالبان کے ترجمان ذبیح اللہ مجاہد نے کہا کہ افغانستان کا مستقبل چین کے ہاتھ میں ہے ، نیا افغانستان اپنی معیشت کی بحالی اور تعمیر نو کے لیے چین کی مدد لے گا۔

ذبیح اللہ مجاہد نے کہا کہ ون بیلٹ ون روڈ علاقے سے گزرنے والی شاہراہ ریشم کی بحالی کا سنگ میل ہے۔ تانبے کے وافر ذخائر چینی دوستوں کی مدد سے افغانستان کی ترقی کے لیے استعمال کیے جائیں گے۔

طالبان ترجمان نے واضح کیا کہ خواتین افغان معاشرے کی ناقابل تسخیر ہیرو ہیں ، خواتین زندگی کے تمام شعبوں میں اہم کردار ادا کرسکتی ہیں ، اور یونیورسٹیوں میں خواتین کی تعلیم کے لیے کوئی رکاوٹ نہیں ہوگی۔

انہوں نے کہا کہ خواتین شریعت کی حدود میں رہتے ہوئے سرکاری محکموں میں اپنا کردار ادا کرسکیں گی ، تاہم اگلی حکومت میں خواتین کی بطور وزیر تقرری ناممکن ہے۔