اسپورٹس راؤنڈ اپ

جاپانی قونصل جنرل توشی کازیوسومورا نے کہا ہے کہ پاکستان اور جاپان کے تعلقات اب کھیلوں میں مستحکم ہو رہے ہیں جو کہ دونوں ممالک کے اسپورٹس سرکل کے لیے خوش آئند ہے۔ ان خیالات کا اظہار انہوں نے سندھ اولمپک ایسوسی ایشن کے وفد سے ملاقات میں کیا۔ ان میں سیکرٹری احمد علی راجپوت ، نائب صدر امتیاز شیخ ، اصغر بلوچ ، ماجدہ حمید اور خالد رحمانی شامل تھے۔

ایڈمنسٹریٹر ڈی ایم سی ساؤتھ ڈاکٹر افشاں رباب سیدنے کہا کہ نوجوان نسل کو صحت مند ماحول اور تفریح ​​فراہم کرنا ہماری مشترکہ ذمہ داری ہے۔

ان خیالات کا اظہار انہوں نے کمشنر کراچی اسپورٹس کمیٹی کوآرڈینیٹر غلام محمد خان کی قیادت میں مختلف سپورٹس ایسوسی ایشنز کے نمائندوں سے ملاقات کے دوران کیا۔

اس موقع پر پاکستان باکسنگ فیڈریشن کے نائب صدر اصغر بلوچ ، سندھ سائیکلنگ ایسوسی ایشن کے سیکرٹری محمد کلیم اعوان ، کراچی باسکٹ بال ایسوسی ایشن کے قانون کے مشیر غلام عباس جمال ایڈووکیٹ ، کراچی سائیکلنگ کے صدر ڈاکٹر نصیر الدین شاہین اور دیگر بھی موجود تھے۔