اداروں کی ٹیمیں بحال ،کھلاڑیوں، کوچنگ اسٹاف کو ترقیاں دی جائیں، احمد ضیاء

پاک پی ڈبلیو ڈی ٹیکس کٹ ٹیم کے کوچ احمد ضیاء نے وزیراعظم شہباز شریف، وفاقی وزیر بین الصوبائی رابطہ احسان الرحمان مزاری اور پیپلز پارٹی کے رہنما و سابق صدر آصف علی زرداری سے اپیل کی ہے کہ سابق حکومت اور ٹیموں کی وجہ سے ٹیمیں بند ہوئیں۔ جس سے ہزاروں مرد و خواتین کھلاڑی اپنی نوکریوں سے ہاتھ دھو بیٹھے ہیں لہٰذا ان ٹیموں کو فوری طور پر بحال کیا جائے تاکہ قومی کھلاڑی مالی بحران سے نجات حاصل کر سکیں۔

انہوں نے حکومت سے بھی اپیل کی کہ وہ کئی اداروں میں کھلاڑیوں اور کوچنگ سٹاف کی ترقی پر زیادہ توجہ دے جو کئی سالوں سے تعطل کا شکار ہیں تاکہ ان کے مالی مسائل حل ہو سکیں۔ اسے کبھی فراموش نہیں کیا جاسکتا، ان اداروں نے ملک کو ایسے نامور کھلاڑی فراہم کیے جنہوں نے ملک و قوم کا نام عالمی اور ایشیائی سطح پر روشن کیا۔