آرمی چیف نے جدید ترین ٹنلنگ انسٹیٹیوٹ کا افتتاح کر دیا

آرمی چیف جنرل قمر جاوید باجوہ نے ایف ڈبلیو او کے جدید ترین ٹنلنگ انسٹی ٹیوٹ کا افتتاح کیا۔

پاک فوج کے شعبہ تعلقات عامہ آئی ایس پی آر کے مطابق جنرل قمر جاوید باجوہ نے انسٹی ٹیوٹ کا دورہ کیا، ادارہ ٹنلنگ کے شعبے میں تحقیق، ترقی اور وسائل کو مربوط کرے گا۔

آئی ایس پی آر کے مطابق یہ ادارہ تعلیمی اور صنعتی ماہرین کے ذریعے ٹنلنگ ایجوکیشن کو فروغ دینے کے لیے ایک پلیٹ فارم فراہم کرے گا۔

آئی ایس پی آر کا کہنا ہے کہ ٹی آئی پی کو ایف ڈبلیو او نے صرف دس ماہ میں فعال کیا۔

آرمی چیف نے نیشنل ایمرجنسی آپریشن سینٹر کا بھی دورہ کیا جہاں انہیں ملک میں پولیو مہم اور درپیش چیلنجز کے بارے میں بریفنگ دی گئی۔

آرمی چیف نے حساس مقامات پر اضافی افرادی قوت اور وسائل فراہم کرنے کی ہدایت کی۔

جنرل قمر جاوید باجوہ نے کہا کہ پولیو ٹیموں کو اضافی افرادی قوت اور وسائل فراہم کیے جائیں۔

انہوں نے کہا کہ پولیو سے پاک پاکستان کے لیے موثر کوششیں کرنے کی ضرورت ہے۔